ياسوريا لاتنسينا ...

 تغربنا غصبن عنّا .... والدمعة بالعين طلعنا 

والليل بيشهد عَوَجعْنا ... وحُبِّك ياسوريا معنا

***

شو فقدنا لحنانك إمّي ...والدعوة الحلوة والضمّة

وفنجان القهوة والبسمة ... لهموم الدنيا تنَسّينا 

***

وبـــيّي بيحكيلي لبلادك ...بتقد م روحك وولادكْ

ولو باغي يدوس بأعتابك ... بــتموت ولايحكم فينا 

***

واشتقنا لسنين السعدْ ... وحنان العمة والجدْ 

والفلة وازرار الوردْ .... المزروعه بضيعتنا

***

اشتقنا لعيون النبعةْ .... واللّمه الحلوة كل جمعةْ 

والعيلة كلها مجتمعةْ ... والفرحه بترقص بعينينا 

***

مانسينا ملعبنا الرملي ... والسهرة مع صحبي وخلّي 

والشاطي والعاصي ياللّي ... عحجارو كتبنا أسامينا 

***

والبحرة بأرض ديارِك ... وصبية بتطرز شالِكْ 

والشب يغني موالِك ... والمطرة تسقي جنينتنا

***

 ياسوريا لاتنسينا ... والله فراقك كاوينا

 بكره أحرار تلاقينا ...منضم ترابك بإيدينا

***

 نحن بالروح منفديكِ ... ونحفر قبر اللي يبكيكِ 

الله بيرعاك ويحميكِ ... وتبقي الوطن الساكن فينا 

***

28-11-2012

الأغنية بصوت المنشد هلال السعيد  بالايقاع

كلمات بيان حوى 

بدون إيقاع 

https://youtu.be/LffYMhjL2ls